Arbaco 31 July 2024 {CBB}–Hay’adda Maaraynta Musiibooyinka Qaranka Soomaaliyeed ee SODMA ayaa gargaar bani aadamnimo gaarsiiyay Deegaanka Buula Xaaji Gobolka Jubada Hoose Dowlad-Goboleedka Jubbaland oo ay ku nool qoysas la dhibaateysan xaalado dhanka Nolosha ah.
Guddoomiyaha Hay’adda Maaraynta Musiibooyinka ee losoo gaabiyo SODMA waa Maxamuud Macallim Cabdulle ayaa sheegay in Hay’addu ay Kaalmadaas gaarsiisay qoysas gaaraya 900 kuwaas oo duruufo kala duwan oo dhanka halganka Nolosha wajahaya.
Waxa uu sheegay in Hay’addu ay ka go’an tahay in ay Gargaar Bani aadamnimo geyso deegaannada laga saaray ‘AS’ ee Gacanta Dowladda Federaalka iyo Dowlad-Goboleedyada hoostaga soo galay sida uu yiri Guddoomiyaha SODMA Maxamuud Macallim Cabdulle.
Hay’adda SODMA waxa ay Dowladda Federaalka Wakiil uga tahay u gurmashada qoysaska dhibaateysan ee xaaladaha adag wajahaya, kahortagga Musiibooyinka & ka digista digniinta soo gaarto si looga feejignaado halista ka dhalan karta.
