Arbaco 11 Dec 2024 {CBB}Warsaxaafadeed ay soosaartay Wasaaradda Gaashaandhigga Xukuumadda Federaalka Soomaaliya waxa ay ku faah-faahisay dagaalka saakay ka dhacay deegaan hoostaga Magaalada Raaskambooni ee Gobolka Jubada Hoose Dowlad-Goboleedka Jubbaland.
Wasaaradda Gaashaandhigga ayaa Axmed Madoobe ku eedeysay in uu soo abaabulay ‘Maleeshiyaad hubeysan’ kuwaas oo weerar ku qaaday Goobo ay joogeen Ciidanka Federaalka iyo kuwa Daraawiishta Dowlad-Goboleedka Jubbaland.
Qoraalka ayaa intaas lagu daray in Ciidankaas weerarka fuliyay ay soo dhexmareen deegaanno ay gacanta ku heyso ‘AS’ sida hadalka loo dhigay, Wasaaradda Gaashaandhigga ayaa digniin culus u dirtay Axmed Maxamed Islaam Madoobe.
Halkaan ka aqriso warka kasoo baxay Wasaaradda Gaashaandhigga XFS:
Dagaalka saakay ka qarxay Gobolka Jubada Hoose waxa sidoo kale ka falceliyay mas’uuliyiin katirsan Maamulka Axmed Madoobe, waxa ay sheegeen in dhankooda lagu soo duullay isla markaana ay qabteen ciidamo katirsan kuwa Federaalka sida ay hadalka u dhigeen.
