Khamiis 19 Dec 2024 {CBB}Wafdi uu hogaaminaayo Ra’iisul Wasaaraha Xukuumadda Jamhuuriyadda Federaalka Soomaaliya, Xamsa Cabdi Barre, ayaa soo gaaray magaalada Baydhabo ee Xarunta KMG dowlad gobolleedka Koofur Galbeed, waxaana Garoonka Diyaaradaha ku soo dhaweeyey Madaxweynaha Koonfur Galbeed Cabdicasiis Xasan Maxamed (Laftagareen) iyo boqolaal ka mid ah Bulshada ku dhaqan magaalada Baydhabo.
Ujeedka Socdaalka Ra’iisul Wasaaraha soomaaliya ee baydhabo ayaa la xiriira xoojinta wadashaqeynta Hay’adaha Dowladda ee Heer Federaal iyo heer Dowlad Gobolleed, u kuur galidda horumarrada ka jira Koonfur Galbeed iyo ka qeyb galka Xafladda sanad guurada 6-aad ee ka soo wareegtay Muddada uu Dowlad Gobolleedka Koonfur Galbeed hoggaaminayay Madaxweyne Cabdicasiis Laftagareen.
Wafdi ra’isul wasaarha ee manta soo gaaray magaalada baydhabo waxaa qeyb ka ahaa mas’uuliyiin ka tirsan labada golle ee dowlada federaalka soomaaliya waxaa kazoo horeeyey wafdi kale oo ka socoday dowlada dhexe.
Shalay waxaa isla baydhabo soo gaaray Guddoomiyaha Golaha Shacabka ee Baarlamaanka Federaalka Soomaaliya Mudane Sheekh Aadan Maxamed Nuur (Madoobe) iyo wafdi uu hogaaminayo oo ay ka mid yihiin Wasiiro iyo Xildhibaano iyagoona ujeedadooda ay tahay ka qeyb gelka uska sanad guurada lixaad ee Madaxweynaha Dowlad Goboleedka Koonfur Galbeed Cabdicasiis Xasan Maxamed (Laftagareen).
