Axad 31 August, 2024 {CBB}–Qeybo badan oo kamid ah suuqyada iyo xaafadaha qaar ee magaalada Baydhabo ayaa waxaa laga sameeyay howlgalo lagu xaqiijinaayo amniga guud ee magaalada Baydhabo taasi oo iska kaashinayeen Booliska iyo hay’adda Nabad sugidda iyo sirdoonka koonfur galbeed soomaaliya.
Inta howlgalka uu socday ayaa waxaa lagu soo qab-qabtay dhalinyaro badan kuwaasi oo qaarkood looga shakiyay in ay ku dhaxjiraan kuwo ka tirsan kooxda Al-shabaab oo halisku ah nabad galiyadda degaanka iyo bushada.
Dhalinyarada lagu soo xiray howlgalka ayaa waxaa loo kala gudbiyay xaruumaha Booliska iyo Nisa halkaasi oo lagu kala saari doono iyadoo ay jiraan dhalinyaro damiin lagu sii daayay kadib markii dad la aqoonsan nyahay ay damiinteen halka kuwa kalena baaritaano ay mari doonaan.
Howlgaladaan ayaa waxaa loogu dan leeyahay sidii looga hortagi lahaa waxyaabaha qalqal galin kara nabad galiyada bulshada ayadoona degmada Baydhabo ay ku soo qulqulayaan shacab hor leh oo ka imanayaan degaanada ku soo dhow Baydhabo.
