Khamiiis 13 Aog 2026 {CBB}Madaxweynaha Turkiga, Recep Tayyip Erdogan, ayaa magaalada Ankara kula kulmay dhigiisa dalka Falastiin, Maxamuud Cabaas.
Erdogan ayaa carrabka ku adkeeyay in Turkiga markasta ilaalinayo Midnimada iyo Madaxbannaanida Dowladda Falastiin oo caasimadeeda tahay Qudus.
Sidoo kale, Madaxweynaha Turkiga ayaa eedeyay Ra’iisul wasaaraha Israa’iil iyo Xukumaddiisa, isagoo sheegay in ay ku xadgudubtay shacabka Falastiin.
“Xukuumadda Netanyahu waxay ujeeddadeedu tahay inay qariso dhibaatada ay u geysatay Shacabka Falastiin, iyadoo fowdo ka abuureysa gobolka Bariga Dhexe” ayuu yiri Erdogan.
Sidoo kale, Madaxweyne Maxamuud Cabaas ayaa u mahadceliyay dowladda iyo shacabkab Turkiga oo kamid ah dalalka garab istaaga u muujiyay.
Kulanka ayaa ku soo aadaya xilli weli ay xiisad ka taagan tahay Bariga Dhexe, iyadoo saddexda dal ee Turkiga, Sacuudiga iyo Pakistan ay ku dhawaaqeen isbaheysi cusub.
