Sabtii 30, Nov 2024 {CBB}Axmed Siciid Maxamed Agaasimaha Hay’adda Socdaalka iyo Jinsiyadda Soomaaliya ayaa Dalka Jarmalka kula kulmay Taliyaha Booliiska Federaalka Dalkaas, kulankaan waxaa goobjoog ka ahaa howlwadeenno katirsan Safaaradda Soomaaliya ee Dalkaas.
Agaasimaha guud ee Hay’adda Socdaalka iyo Jinsiyadda Soomaaliya ayaa Taliyaha ugu sarreeya Booliiska Federaalka Jarmalka kala hadlay xoojinta xiriirka labada dhinac si ay isaga kaashadaan arrimaha muhiimka u ah Labadaan Dal.
Jarmalka ayaa Soomaaliya ka gacansiinaya tababarrada la xiriira Iskaashiga ku dhisan Khibrad wadaagga iyo dhismaha aqoonta saraakiisha ka shaqeysa Hay’adda Socdaalka iyo Jinsiyadda Jamhuuriyadda Federaalka Soomaaliya.
Hay’adaha kala duwan ee Dowladda Federaalka Soomaaliya ayaa wada qorshaha lagu xoojinayo xiriirka dhanka dibadda ah iyaga oo kaashanaya Dalalka cilaaqaadka wanaagsan kala dhaxeeya si loo kordhiyo tayada howlaha laga sugayo.
