Khamiis 18 July 2024 {CBB}–Wasiirka Wasaaradda Deegaanka iyo Isbedelka Cimilada KGS Diini Abdinur Mohamed ayaa Tababar u soo xiray qaar ka mid ah shaqaalaha Wasaaradda oo muddo saddex maalmood ah tababar u socday.
Tababarkaas waxaa bixiyay Khubaro ka socotay Hay’adda #UNSOS waxaana lagu baranayey sida Loo isticmaalo Dayaaradaha Daroonka iyagoo loo adeegsanayo in lagu abuuro miraha dhirta, meelaha dhirta ay ku yar tahay si looga hortago Nabaad guurka dhirta iyo Deegaanka.
Qorshahan wuxuu ka mid yahay Qorshaha Wasaaradda Deegaanka iyo Isbedelka Cimilada KGS ee lagu yaraynayo dhibaatooyinka Isbedelka Cimilada.
Wasiirka Wasaaradda ayaa u mahad celiyey UNSOS iyo Shaqada Wanaagsan ee ay ka wada Deegaanada Koonfur Galbeed Soomaaliya.
