Axad 15 Dec 2024 {CBB}Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta daah-furay Shirweynaha 15aad ee Ururka Caalamiga ah ee Daraasaadka Soomaaliyeed oo 35 sano kaddib Dalka lagu qabtay.
Madaxweyne Xasan Sheekh Maxamuud oo khudbad jeediyay ayaa sheegay in shirkaan uu muhiim u yahay Dalka, ka qaybgalayaasha ayuu hor dhigay ka faa’iideysiga fursadaha muuqda sida Cilmi baarista iyo sare u qaadista Waxbarashada.
Shirkaan waxaa ka qaybgalaya in ka badan 400 oo Ergo oo isugu jira Aqoonyahanno Soomaaliyeed, Cilmi Baarayaal Caalami ah iyo qaar kamid mas’uuliyiinta Jaamacadaha Geeska Afrika oo madasha talooyinkooda dhex keenay.
Inta uu shirkaan socdo waxaa lagu soo bandhigi doonnaa daraasaadka lagu sameeyay Soomaaliya iyada oo laga eegayo dhinacyada kala duwan, waxaa kale oo madasha laga shaacin doonnaa ka gudubka caqabadaha jira.
