Khamiis 26 Dec 2024 {CBB}Wafdiga ka socda Somaliland oo uu hoggaaminayo Wasiirka Amniga ayaa dhowaan gaaray magaalada Jigjiga, waxaana la filayaa in halkaas ay ka bilaabaan wada hadal rasmi ah oo ay la yeelan doonaan Mas’uuliyiin ka tirsan Dowlad deegaanka Soomaaliyada iyo Saraakiil Itoobiyaan ah.
Khilaaf salka ku haya Dagaalkii ka dhacay Dacawaley ayaa labada maamul u dhaxeeya, waxaana Somaliland Ciidamada Liyuu Booliis ku eedeysay in ay laayeen dad rayid ah oo deegaannadaasi ka soo jeeda.
Maamulada Somaliland iyo Deegaanka Soomaalida ayaa go’aansaday in ay magaalada Jigjiga kaga wada hadlaan arrintaas, si loo helo xal saabsan dagaalka iyo khilaafka.
Dagaalka Dacawaley ayaa dhexmaray ciidamada Liyuu Booliis iyo dadka deegaanka, waxaana ka dhashay khasaare isugu jira dhimasho iyo dhaawac. Dagaalka xilliga uu dhacayay ayaa waxaa deegaankaasi ka socday wada hadallo lagu xallinayo colaado halkaasi ka taagna.
