Tababaraha Manchester City, Pep Guardiola, ayaa si gaar ah u ammaanay Rayan Cherki iyo Rúben Dias kaddib markii kooxdiisu ay 3–0 kaga badisay Crystal Palace kulan ka tirsan Premier League Axaddii.
Guardiola ayaa arkay Erling Haaland oo laba gool dhaliyay halka Phil Foden uu ku daray gool kale, taasoo City u horseeday guul ay ku gaadhay garoonka Selhurst Park.
Isagoo ka hadlayay ciyaarta kaddib, Guardiola ayaa sheegay in Cherki leeyahay aragti gaar ah, halka Dias uu ku tilmaamay hoggaamiye dhab ah.
“Qaybta hore ee weerarka, Cherki wuxuu leeyahay aragti gaar ah. Kubadda wuu hayaa,” ayuu Guardiola yiri, sida uu soo xigtay Fabrizio Romano.
“Wuxuu si fiican ula qabsaday tan iyo markii uu yimid… aad iyo aad buu u fiican yahay.”
Isagoo hadalkiisa sii wata ayuu yiri:
“Rúben Dias waa hoggaamiye cajiib ah.
Waa mid joogto ah, dhaawacyo ma laha, sida uu u hoggaamiyo saaxiibadiis, codkiisa iyo dhiirrigelintiisa; waa saxiix weyn oo aan ku tiirsanaan karno sanado badan oo soo socda. Waa kabtan dhab ah, waa hoggaamiye run ah.”
Manchester City ayaa hadda laba dhibcood ka dambeysa Arsenal, oo hoggaanka u haysa kala sarreynta Premier League.
